జ్వరం తగ్గాక కలిగే నొప్పులకు కారణాలు ఏంటి? లక్షణాలు మరియు చికిత్స విధానం

1. జ్వరం తగ్గాక ఉండే లక్షణాలు?

2. జ్వరం తగ్గాక కలిగే నొప్పులకు కారణాలు

3. లక్షణాలు

4. చికిత్స

5. ఆహార నియమాలు

u003cpu003eమన రక్తంలో ప్రధానంగా నాలుగు ముఖ్య భాగాలు ఉంటాయి. ఇవి ప్లాస్మా, ఎర్ర రక్తకణాలు, తెల్ల రక్తకణాలు, ప్లేట్‌లెట్స్. రక్తంలో ఎర్ర రక్తకణాలు 44 శాతం ఉంటాయి. ఇవి ఊపిరితిత్తుల నుండి శరీరంలోని అన్ని భాగాలకు ఆక్సిజన్‌ను (హేమోగ్లోబిన్ ద్వారా) సరఫరా చేస్తాయి. ఎర్ర రక్త కణాల ఆకారం చాలా ప్రత్యేకంగా ఉంటుంది, వీటిని శాస్త్రీయంగా ద్విపుటాకారము (Biconcave Disk) అని అంటారు.దీనిని సరళంగా చెప్పాలంటే, ఇది గుండ్రంగా, డోనట్ ఆకారంలో ఉంటుంది, కానీ మధ్యలో రంధ్రం ఉండదు.పక్క నుండి చూసినప్పుడు, కణం యొక్క అంచులు మందంగా ఉండి, మధ్య భాగం లోపలికి నొక్కినట్లుగా ఉంటుంది.u003c/pu003enu003cpu003eస్పిరోసైటోసిస్ (Spherocytosis) అనేది ఒక రకమైన u003ca href=u0022https://www.yashodahospitals.com/te/blog/the-hemoglobin-levels-are-very-low-in-iron-deficiency-anemia/u0022u003eరక్తహీనతu003c/au003e . ఈ స్థితిలో, సాధారణంగా ద్విపుటాకారంలో ఉండాల్సిన ఎర్ర రక్త కణాలు వాటి ఆకారాన్ని కోల్పోయి, గుండ్రటి బంతిలాంటి ఆకారంలోకి మారిపోతాయి. అందుకే దీనికి స్పిరోసైటోసిస్ (స్పియర్ అంటే గోళం/బంతి) అనే పేరు వచ్చింది.u003c/pu003e

జ్వరం తగ్గాక ఉండే లక్షణాలు

జ్వరం మనకు అత్యంత సాధారణంగా వచ్చే ఒక లక్షణం. చాలావరకు సాధారణ జ్వరం అనేది రెండు నుండి మూడు రోజుల్లో తగ్గిపోతుంది. అయితే అసలు జ్వరం ఎందుకు వస్తుంది అంటే, మన శరీరంలోని రోగనిరోధక వ్యవస్థ (Immune System) ఇన్ఫెక్షన్లతో పోరాడుతున్నప్పుడు చేసే ఒక ప్రక్రియ. మన మెదడులో హైపోథాలమస్ (Hypothalamus) అనే భాగం ఉంటుంది. ఇది మన శరీర ఉష్ణోగ్రతను నియంత్రిస్తుంది. శరీరంలోకి బ్యాక్టీరియా లేదా వైరస్ ప్రవేశించినప్పుడు, మన రోగనిరోధక వ్యవస్థ పైరోజెన్స్ (Pyrogens) అనే రసాయనాలను విడుదల చేస్తుంది. ఈ పైరోజెన్స్ హైపోథాలమస్‌కు చేరుకోగానే, అది శరీర ఉష్ణోగ్రతను సాధారణ స్థాయి (98.6°F) కంటే పెంచమని ఆదేశిస్తుంది. ఇలాంటి సందర్భాల్లో మన శరీర ఉష్ణోగ్రత పెరిగి మనకు జ్వరం వస్తుంది.

అయితే జ్వరం తగ్గిన తర్వాత కూడా చాలామందిలో నీరసం, బాడీ పెయిన్స్, కీళ్ల నొప్పులు మరియు కండరాల నొప్పులు ఉండవచ్చు. జ్వరం తగ్గిన తర్వాత కలిగే నొప్పికి గల కారణాలు, లక్షణాలు మరియు చికిత్స గురించి ఇక్కడ వివరంగా తెలుసుకుందాం.

జ్వరం తగ్గాక కలిగే నొప్పులకు కారణాలు

జ్వరం తగ్గిన తర్వాత కూడా ఒళ్లు నొప్పులు, కీళ్ల నొప్పులు లేదా కండరాల నొప్పులు ఉండటం చాలా సాధారణం. దీనిని వైద్య పరిభాషలో మయాల్జియా (Myalgia) అని పిలుస్తారు. జ్వరం తగ్గాక కూడా ఈ నొప్పులు ఎందుకు ఉంటాయో ఇక్కడ వివరంగా ఉన్నాయి:

1. సైటోకైన్‌ల ప్రభావం (Cytokines) : మన శరీరంలోకి వైరస్ లేదా బ్యాక్టీరియా ప్రవేశించినప్పుడు, మన రోగనిరోధక వ్యవస్థ వాటితో పోరాడటానికి సైటోకైన్‌లు అనే ప్రోటీన్లను విడుదల చేస్తుంది. ఇవి ఇన్ఫెక్షన్‌ను చంపడానికి సహాయపడతాయి, కానీ అదే సమయంలో కండరాలలో వాపును కలిగిస్తాయి. ఇన్ఫెక్షన్ తగ్గిన తర్వాత కూడా ఈ రసాయనాల ప్రభావం కండరాలపై కొంతకాలం ఉంటుంది, అందుకే నొప్పులు అనిపిస్తాయి.

2. శక్తి కోల్పోవడం : జ్వరం వచ్చినప్పుడు మన శరీరం ఇన్ఫెక్షన్‌తో పోరాడటానికి విపరీతమైన శక్తిని ఖర్చు చేస్తుంది.అప్పుడు కండరాలలో నిల్వ ఉన్న గ్లూకోజ్ వేగంగా ఖర్చవుతుంది. దీనివల్ల కండరాలు బలహీనపడి, చిన్న పని చేసినా లేదా కదిలినా తీవ్రమైన నొప్పిని కలిగిస్తాయి.

3. నిర్జలీకరణం (Dehydration) : జ్వరం ఉన్నప్పుడు చెమట పట్టడం లేదా శ్వాస వేగంగా తీసుకోవడం వల్ల శరీరంలోని నీటి శాతం మరియు లవణాలు (ఎలక్ట్రోలైట్స్) తగ్గిపోతాయి. శరీరంలో నీరు తగ్గినప్పుడు కండరాలు బిగుసుకుపోతాయి. పొటాషియం, మెగ్నీషియం వంటి ఖనిజాల లోపం వల్ల నొప్పులు మరింత ఎక్కువ అవుతాయి.

4. కణజాలం దెబ్బతినడం : కొన్ని రకాల వైరల్ జ్వరాలు (ముఖ్యంగా డెంగ్యూ, చికున్‌గున్యా) నేరుగా కండరాలు మరియు కీళ్ల కణజాలంపై దాడి చేస్తాయి. ఈ వైరస్‌ల ప్రభావం వల్ల కీళ్లలో వాపు వచ్చి, జ్వరం తగ్గిన తర్వాత కూడా వారాల పాటు నొప్పులు ఉండవచ్చు.

జ్వరం తగ్గాక కలిగే నొప్పి లక్షణాలు ఎలా ఉంటాయి?

జ్వరం తగ్గిన తర్వాత కూడా ఒళ్లు నొప్పులు ఉండటాన్ని పోస్ట్-వైరల్ మయాల్జియా (Post-viral Myalgia) అంటారు. జ్వరం తగ్గాక వచ్చే ఈ నొప్పి లక్షణాలు సాధారణ నొప్పి కంటే భిన్నంగా, కొంత అసౌకర్యంగా ఉంటాయి. వాటిని వివరంగా ఇక్కడ తెలుసుకుందాం.

• నిరంతర మొద్దుబారిన నొప్పి (Dull Ache): కండరాలు ఎప్పుడూ భారంగా, అలసిపోయినట్లు అనిపిస్తాయి. ఏ పని చేయకపోయినా కండరాలు లాగుతున్నట్లు ఉంటుంది.
• కీళ్లలో బిగుతు (Joint Stiffness): ఉదయం నిద్రలేచినప్పుడు కీళ్లు పట్టేసినట్లు ఉండటం. ముఖ్యంగా మోకాళ్లు, మణికట్టు మరియు వేళ్ల కీళ్లలో ఈ బిగుతు ఎక్కువగా కనిపిస్తుంది.
• సున్నితత్వం : కండరాలను లేదా చర్మాన్ని మెత్తగా నొక్కినా విపరీతమైన నొప్పి కలుగుతుంది.
  
• నడుము మరియు వీపు: జ్వరం తర్వాత వెన్నుపూస చుట్టూ ఉండే కండరాలు ఎక్కువగా ప్రభావితమవుతాయి. కాబట్టి నడుము నొప్పి ఎక్కువగా ఉండే అవకాశం ఉంది.
  
• కాళ్ల కండరాలు: పిక్కలు (Calves) మరియు తొడల కండరాలు పట్టేయడం లేదా లాగడం జరుగుతుంది. దీని వలన మనం నడవడానికి కూడా ఇబ్బంది పడవచ్చు.
  
• మెడ మరియు భుజాలు: భుజాల మీద ఏదో బరువు ఉన్నట్లు, మెడ తిప్పడానికి కష్టంగా ఉన్నట్లు అనిపిస్తుంది.
  
• తీవ్రమైన నీరసం : నిద్రపోయి లేచినా కూడా శరీరం రీఛార్జ్ అవ్వనట్లు, ఎప్పుడూ పడుకోవాలని అనిపిస్తుంది. రోజంతా నీరసంగా మత్తుగా అనిపించవచ్చు.
  
• తల తిరగడం: నొప్పి తీవ్రంగా ఉన్నప్పుడు కొంతమందిలో తల తిరగడం లేదా అసౌకర్యం, కళ్ళు తిరగడం జరగవచ్చు.
  
• కళ్ల వెనుక నొప్పి: ముఖ్యంగా వైరల్ జ్వరాల తర్వాత కళ్లను అటు ఇటు తిప్పినప్పుడు కళ్ల వెనుక నొప్పి ఎక్కువగా కలుగుతుంది.
• కొద్ది దూరం నడిచినా లేదా మెట్లు ఎక్కినా కండరాలు వణకడం (Trembling) లేదా వెంటనే అలసిపోవడం కూడా ఉండవచ్చు.
• కూర్చుని లేవడానికి ప్రయత్నించినప్పుడు కీళ్లలో పదునైన నొప్పి కలగవచ్చు.

జ్వరం తగ్గిన వారం తర్వాత కూడా కండరాల నొప్పులు తగ్గడం లేదా? చికిత్స కోసం మా వైద్య నిపుణులను సంప్రదించండి.

జ్వరం తగ్గాక కలిగే నొప్పికి అందించే చికిత్స

జ్వరం తగ్గిన తర్వాత కూడా కండరాలు మరియు కీళ్లలో వచ్చే నొప్పికి చికిత్స అనేది కేవలం మందుల మీదనే కాకుండా, జీవనశైలి మార్పులు మరియు శరీరానికి తగిన పోషణ అందించడం మీద ఆధారపడి ఉంటుంది. దీని చికిత్సా విధానాన్ని వివరంగా ఇక్కడ చూడవచ్చు: 1. మందుల ద్వారా చికిత్స నొప్పి తీవ్రతను బట్టి వైద్యులు ఈ క్రింది మందులను సూచిస్తారు:

• నొప్పి నివారణలు (Analgesics): పారాసెటమాల్ (Paracetamol) లేదా ఎన్ఎస్ఎఐడిలు (NSAIDs – ఇబూప్రోఫెన్ వంటివి) కండరాల వాపును మరియు నొప్పిని తగ్గించడానికి వాడతారు.
• కండరాల రిలాక్సెంట్స్ (Muscle Relaxants): కండరాలు విపరీతంగా బిగుసుకుపోయినప్పుడు (Muscle spasms), వాటిని సడలించడానికి వీటిని ఇస్తారు.
• నరాల సంబంధిత మందులు: నొప్పి నరాల ద్వారా ప్రసరిస్తున్నట్లు అనిపిస్తే (ముఖ్యంగా డెంగ్యూ వంటి వాటి తర్వాత), గబాపెంటిన్ వంటి మందులను వైద్యుల పర్యవేక్షణలో వాడాల్సి ఉంటుంది.

2. శరీరానికి పోషణ అందించడం వైరస్ దాడి వల్ల శరీరంలోని కీలక ఖనిజాలు తగ్గిపోతాయి. వాటిని భర్తీ చేయడం చికిత్సలో భాగం:

• ఎలక్ట్రోలైట్స్ (Electrolytes): శరీరంలో నీటి శాతం మరియు సోడియం, పొటాషియం పెంచడానికి ఓఆర్ఎస్ (ORS), కొబ్బరి నీళ్లు లేదా నిమ్మరసం తీసుకోవాలి.

• విటమిన్ సప్లిమెంట్స్:
  • విటమిన్ B12: నరాల బలహీనతను తగ్గించడానికి.
  • విటమిన్ D: కండరాలు మరియు ఎముకల బలానికి.
  • మ్యాగ్నీషియం: ఇది కండరాల నొప్పి తగ్గించడంలో మరియు ఒత్తిడిని తగ్గించడంలో సహాయపడుతుంది.

3. భౌతిక చికిత్స

నొప్పుల వల్ల కదలికలు కష్టమైనప్పుడు ఈ పద్ధతులు పాటిస్తారు:

• వేడి కాపడం (Heat Therapy): హాట్ వాటర్ బ్యాగ్‌తో నొప్పి ఉన్న చోట కాపడం పెట్టడం వల్ల రక్త ప్రసరణ పెరిగి కండరాలు రిలాక్స్ అవుతాయి.
• తేలికపాటి వ్యాయామాలు: మరీ ఎక్కువగా శ్రమించకుండా, చిన్న చిన్న స్ట్రెచింగ్ వ్యాయామాలు (Stretching) చేయడం వల్ల కీళ్ల బిగుతు తగ్గుతుంది.
•  మసాజ్: ఆలివ్ ఆయిల్ లేదా ఆవనూనెతో మృదువుగా మసాజ్ చేయడం వల్ల శరీరంలో పేరుకుపోయిన లాక్టిక్ యాసిడ్ విడుదలయ్యి నొప్పి తగ్గుతుంది.

4. జీవనశైలి మార్పులు

• తగినంత విశ్రాంతి: శరీరం పూర్తిగా కోలుకోవడానికి కనీసం 7-9 గంటల గాఢ నిద్ర అవసరం. నిద్రలోనే కండరాల మరమ్మత్తు జరుగుతుంది.
• ఒత్తిడి తగ్గించుకోవడం: మానసిక ఒత్తిడి వల్ల కండరాలు మరింత బిగుసుకుపోతాయి. కాబట్టి ప్రశాంతంగా ఉండటం ముఖ్యం.
• కెఫీన్ తగ్గించడం: కాఫీ, టీలు ఎక్కువగా తాగడం వల్ల నిర్జలీకరణం (Dehydration) కలిగి నొప్పులు పెరగవచ్చు.

జ్వరం తగ్గాక కలిగే నొప్పి నివారణకు సరైన ఆహారం ఏది?

పోస్ట్-వైరల్ మయాల్జియా (జ్వరం తర్వాత వచ్చే నొప్పులు) తగ్గడానికి ఆహారం మందులా పనిచేస్తుంది. వైరస్‌తో పోరాడి అలసిపోయిన కండరాలను పునరుద్ధరించడానికి, వాపును తగ్గించడానికి ప్రత్యేకమైన పోషకాలు అవసరం.

మీ ఆహారంలో చేర్చుకోవాల్సిన ముఖ్యమైన పదార్థాలు ఇక్కడ ఉన్నాయి:

• అల్లం : అల్లం టీ లేదా వంటల్లో అల్లం వాడటం వల్ల కండరాల మంట తగ్గుతుంది.
  
• ఒమేగా-3 ఫ్యాటీ యాసిడ్స్: వాల్‌నట్స్ (అక్రూట్లు), బాదం, అవిసె గింజలు (Flax seeds) లేదా చేపలు తీసుకోవడం వల్ల కీళ్ల నొప్పులు తగ్గుతాయి.
  
• పసుపు : ఇందులో ఉండే ‘కర్కుమిన్’ సహజమైన పెయిన్ కిల్లర్‌లా పనిచేస్తుంది. రాత్రి పడుకునే ముందు పాలలో చిటికెడు పసుపు వేసుకుని తాగడం వల్ల నొప్పులు తగ్గుతాయి.
  
• ఆకుకూరలు: పాలకూర వంటి ఆకుకూరల్లో మెగ్నీషియం పుష్కలంగా ఉంటుంది. మెగ్నీషియం కండరాలను రిలాక్స్ చేస్తుంది మరియు తిమ్మిర్లను తగ్గిస్తుంది:
  
• గింజలు: గుమ్మడి గింజలు, చియా గింజలు మరియు జీడిపప్పు లాంటి ఆహారం తీసుకోవడం వలన కూడా శరీరానికి అవసరమైన మెగ్నీషియం అందుతుంది.
  
• డార్క్ చాక్లెట్: కొద్ది పరిమాణంలో డార్క్ చాక్లెట్ తీసుకోవడం వల్ల కూడా మెగ్నీషియం అందుతుంది.
  
• గుడ్లు: వీటిలో ఉండే అమినో యాసిడ్స్ కండరాలకు బలాన్నిస్తాయి.
  
• పప్పు ధాన్యాలు: వైరస్ వల్ల దెబ్బతిన్న కండర కణజాలాన్ని పునర్నిర్మించడానికి ప్రోటీన్ అవసరం, పెసరపప్పు, కందిపప్పు, సోయాబీన్స్ లాంటి వాటిలో ఉండే ప్రోటీన్ శరీరానికి మరియు కండరాలకు బలాన్ని అందిస్తుంది.
  
• పాలు మరియు పెరుగు: క్యాల్షియం మరియు ప్రోటీన్ రెండూ అందుతాయి. పెరుగులోని ప్రోబయోటిక్స్ జీర్ణక్రియను మెరుగుపరుస్తాయి.:
  
• సిట్రస్ పండ్లు: నిమ్మ, నారింజ, బత్తాయి.శరీరంలో పేరుకుపోయిన టాక్సిన్స్‌ను బయటకు పంపడానికి ఇవి అవసరం
  
• బొప్పాయి మరియు కివి: ఇవి ప్లేట్‌లెట్స్ పెంచడమే కాకుండా కండరాల నొప్పిని తగ్గిస్తాయి.
  
• కొబ్బరి నీళ్లు: ఇందులో పొటాషియం, సోడియం వంటి ఎలక్ట్రోలైట్స్ ఉంటాయి, ఇవి నీరసాన్ని తక్షణమే తగ్గిస్తాయి.
  
• ఓఆర్ఎస్ (ORS): నీరసం ఎక్కువగా ఉన్నప్పుడు ఎలక్ట్రోల్ పౌడర్ కలిపిన నీరు తాగాలి.

జ్వరం తగ్గాక కూడా కొద్దిరోజుల పాటు నీరసం మరియు కండరాల నొప్పులు ఉండవచ్చు. డాక్టర్ సూచించిన మందులతో పాటుగా సరైన ఆహారం తీసుకుంటే ఈ నొప్పి త్వరగా తగ్గే అవకాశం ఉంది. ఒకవేళ మందులు వాడుతున్నా కూడా నొప్పి తగ్గకపోతే వెంటనే వైద్యులను సంప్రదించి అవసరమైన పరీక్షలు చేయించుకోవాలి.

మీ ఆరోగ్య సంరక్షణ గురించి ఏవైనా సందేహాలు ఉన్నాయా? సహాయం చేయడానికి మేము సిద్దంగా ఉన్నాము! మా అనుభవంతులైన నిపుణుల సలహా కొరకు +918065906165 కి కాల్ చేయగలరు.