పక్కటెముకల నొప్పి : కారణాలు, లక్షణాలు, చికిత్స

1. పక్కటెముకల నొప్పి

2. పక్కటెముకల నొప్పి కారణాలు

3.పక్కటెముకల నొప్పి లక్షణాలు

4. పక్కటెముకల నొప్పి చికిత్స

u003cpu003eమన రక్తంలో ప్రధానంగా నాలుగు ముఖ్య భాగాలు ఉంటాయి. ఇవి ప్లాస్మా, ఎర్ర రక్తకణాలు, తెల్ల రక్తకణాలు, ప్లేట్‌లెట్స్. రక్తంలో ఎర్ర రక్తకణాలు 44 శాతం ఉంటాయి. ఇవి ఊపిరితిత్తుల నుండి శరీరంలోని అన్ని భాగాలకు ఆక్సిజన్‌ను (హేమోగ్లోబిన్ ద్వారా) సరఫరా చేస్తాయి. ఎర్ర రక్త కణాల ఆకారం చాలా ప్రత్యేకంగా ఉంటుంది, వీటిని శాస్త్రీయంగా ద్విపుటాకారము (Biconcave Disk) అని అంటారు.దీనిని సరళంగా చెప్పాలంటే, ఇది గుండ్రంగా, డోనట్ ఆకారంలో ఉంటుంది, కానీ మధ్యలో రంధ్రం ఉండదు.పక్క నుండి చూసినప్పుడు, కణం యొక్క అంచులు మందంగా ఉండి, మధ్య భాగం లోపలికి నొక్కినట్లుగా ఉంటుంది.u003c/pu003enu003cpu003eస్పిరోసైటోసిస్ (Spherocytosis) అనేది ఒక రకమైన u003ca href=u0022https://www.yashodahospitals.com/te/blog/the-hemoglobin-levels-are-very-low-in-iron-deficiency-anemia/u0022u003eరక్తహీనతu003c/au003e . ఈ స్థితిలో, సాధారణంగా ద్విపుటాకారంలో ఉండాల్సిన ఎర్ర రక్త కణాలు వాటి ఆకారాన్ని కోల్పోయి, గుండ్రటి బంతిలాంటి ఆకారంలోకి మారిపోతాయి. అందుకే దీనికి స్పిరోసైటోసిస్ (స్పియర్ అంటే గోళం/బంతి) అనే పేరు వచ్చింది.u003c/pu003e

1. పక్కటెముకల నొప్పి

పక్కటెముకలు (Ribs) అంటే మన ఛాతీ భాగంలో ఉండే వంపు తిరిగిన ఎముకల నిర్మాణం. ఇవి వెన్నెముక నుండి మొదలై రొమ్ము ఎముక (Sternum) వరకు వ్యాపించి ఒక గూడులా ఏర్పడతాయి. దీనినే పక్కటెముకల గూడు (Rib Cage) అని పిలుస్తారు. అయితే మన శరీరంలో ఉండే అత్యంత ముఖ్యమైన అవయవాలైన గుండె మరియు ఊపిరితిత్తులకు పక్కటెముకలు ఒక రక్షణ కవచం లాగా ఉంటాయి. దీనివలన గుండె లేదా ఊపిరితిత్తుల మీద ఒత్తిడి కలిగినా కూడా దాని ప్రభావం పక్కటెముకల మీద ఉండవచ్చు. ఉదాహరణకు ఊపిరితిత్తుల చుట్టూ ఉండే పొరల వాపు వలన కూడా పక్కటెముకలపై ఒత్తిడి ఏర్పడి నొప్పి కలుగుతుంది. అయితే పక్కటెముకల నొప్పి గురించి పూర్తి వివరంగా ఇక్కడ తెలుసుకుందాం.

2. పక్కటెముకల నొప్పి కారణాలు

పక్కటెముకల నొప్పి (Rib pain) అనేది కేవలం ఎముకకు సంబంధించినది మాత్రమే కావచ్చు లేదా లోపల ఉన్న ఊపిరితిత్తులు, గుండె వంటి అవయవాలు మరియు ఆసిడ్ రిఫ్లక్స్, గ్యాస్ట్రిక్ సమస్యలకు సంకేతం కావచ్చు. దీనికి గల ప్రధాన కారణాలను వివరంగా ఇక్కడ చూడవచ్చు.

• కోస్టోకాండ్రిటిస్ (Costochondritis): పక్కటెముకలను రొమ్ము ఎముక (Breastbone) తో కలిపే మృదులాస్థి (Cartilage) వాపుకు గురవ్వడాన్ని కోస్టోకాండ్రిటిస్ అంటారు. దీనివలన గుండెపోటు లాంటి నొప్పి కలుగుతుంది.
• కండరాల ఒత్తిడి (Muscle Strain): పక్కటెముకల మధ్య ఉండే కండరాలు (Intercostal muscles) అతిగా శ్రమించడం వల్ల లేదా విపరీతమైన దగ్గు వల్ల దెబ్బతినవచ్చు. దీనివలన పక్కటెముకలపై ఒత్తిడి కలిగి ఆ భాగంలో నొప్పి కలుగుతుంది.
• ఫ్రాక్చర్ : ప్రమాదవశాత్తు కింద పడటం, ప్రమాదాలు లేదా ఆటల్లో పక్కటెముకలు విరగడం (Fracture) లేదా చిట్లడం వల్ల తీవ్రమైన నొప్పి వస్తుంది. ఈ సమస్యలకు వెంటనే చికిత్స అవసరం.
• ప్లూరిసీ (Pleurisy): ఊపిరితిత్తుల చుట్టూ ఉండే పొరలు వాపుకు గురైనప్పుడు శ్వాస తీసుకుంటే పక్కటెముకల్లో ఒత్తిడి కలుగుతుంది దీనివలన పదునైన నొప్పి వస్తుంది.
• నిమోనియా (Pneumonia): ఊపిరితిత్తుల ఇన్ఫెక్షన్ వల్ల దగ్గినప్పుడు మరియు శ్వాస తీసుకునే సమయంలో పక్కటెముకల కింద నొప్పి వస్తుంది.
• పల్మనరీ ఎంబోలిజం: ఊపిరితిత్తులకు రక్తాన్ని అందించే రక్తనాళాల్లో అడ్డంకులు ఏర్పడినప్పుడు రక్తప్రసరణ తగ్గిపోతుంది. దీనివలన ఊపిరితిత్తుల మీద ఒత్తిడి ఎక్కువ అవుతుంది. ఊపిరితిత్తులు పక్కటెముకల లోపలి భాగంలో ఉంటాయి కాబట్టి ఈ నొప్పి పక్కటెముకల వరకు వ్యాపిస్తుంది. పల్మనరీ ఎంబోలిజం ప్రాణాపాయం కావచ్చు.
• ఊపిరితిత్తుల క్యాన్సర్: అరుదుగా, నిరంతర పక్కటెముకల నొప్పి దీనికి సంకేతం కావచ్చు.
• గ్యాస్ట్రిక్ లేదా యాసిడ్ రిఫ్లక్స్: కడుపులో గ్యాస్ పెరిగినప్పుడు పక్కటెముకల కింద ఒత్తిడి, నొప్పిగా అనిపిస్తుంది.
• పిత్తాశయ రాళ్లు (Gallstones): కుడి వైపు పక్కటెముకల కింద తీవ్రమైన నొప్పి వస్తే అది గాల్ బ్లాడర్ సమస్య కావచ్చు.
• స్లీన్ (Spleen) వాపు: ఎడమ వైపు పక్కటెముకల కింద నొప్పి ఉంటే అది ప్లీహం (Spleen) వాపు వల్ల కావచ్చు.
• గౌట్ లేదా ఆర్థరైటిస్: రక్తంలో యూరిన్ స్థాయిలు పెరగడం వలన ఈ అదనపు యూరిక్ యాసిడ్ సూది లాంటి పదునైన స్పటికాలుగా మారి కీళ్లలో చేరుకుంటుంది. పక్కటెముకల కీళ్లలో గౌట్ రావడం వల్ల నొప్పి రావచ్చు.
• ఫైబ్రోమైయాల్జియా: శరీరం అంతటా కండరాల నొప్పి ఉండే దీర్ఘకాలిక సమస్య. దీనివలన పక్కటెముకలు కూడా ప్రభావితం అవ్వడం వలన నొప్పి కలుగుతుంది.

3. పక్కటెముకల నొప్పి లక్షణాలు ఎలా ఉంటాయి?

పక్కటెముకల నొప్పి (Rib pain) అనేది అది వచ్చిన కారణాన్ని బట్టి రకరకాలుగా ఉంటుంది. కొందరికి ఇది ఒకచోట మాత్రమే నొప్పిగా అనిపిస్తే, మరికొందరికి ఊపిరి పీల్చుకున్నప్పుడు లేదా కదిలినప్పుడు తీవ్రమవుతుంది. ఈ లక్షణాలను ఇక్కడ వివరంగా చూడవచ్చు.

• గుచ్చినట్టుగా నొప్పి (Sharp/Stabbing Pain): గాలి గట్టిగా పీల్చినప్పుడు, దగ్గినప్పుడు లేదా తుమ్మినప్పుడు పక్కటెముకల్లో ఎవరో సూదితో పొడిచినట్లు పదునైన నొప్పి రావడం. ఇది సాధారణంగా ప్లూరిసీ (ఊపిరితిత్తుల పొర వాపు) లేదా కోస్టోకాండ్రిటిస్ లక్షణం.
• మొద్దుబారిన నొప్పి (Dull Ache): కదలకుండా కూర్చున్నప్పుడు కూడా పక్కటెముకల చుట్టూ ఏదో భారం ఉన్నట్లు లేదా మొద్దుబారిన నొప్పి ఉండటం. ఇది కండరాల ఒత్తిడి వల్ల రావచ్చు.
• స్పర్శకు నొప్పి (Tenderness): పక్కటెముకలపై చేతితో నొక్కినప్పుడు లేదా బట్టలు తగిలినప్పుడు కూడా నొప్పిగా అనిపించడం. ఇది ఎముక విరిగినా లేదా కణజాలం వాపుకు గురైనా కనిపిస్తుంది.
• వంగినప్పుడు లేదా తిరిగినప్పుడు: శరీరాన్ని అటు ఇటు తిప్పినప్పుడు (Twisting) లేదా వంగినప్పుడు నొప్పి పెరిగే అవకాశం ఉంది.
• చేతులు ఎత్తినప్పుడు: భుజాలు లేదా చేతులు పైకి ఎత్తినప్పుడు పక్కటెముకల కండరాలు లాగి, నొప్పి కలగవచ్చు.
• నవ్వడం లేదా దగ్గడం: పొట్ట కండరాలు కదిలేలా గట్టిగా నవ్వినా లేదా దగ్గినా పక్కటెముకల్లో తీవ్రమైన అసౌకర్యం మరియు నొప్పి కలగవచ్చు.
• వాపు మరియు ఎరుపు: పక్కటెముకల నొప్పికి కారణం ఏదైనా గాయం వలన లేదా ఇన్ఫెక్షన్ వలన ఐతే, దెబ్బ తగిలిన చోట లేదా ఇన్ఫెక్షన్ ఉన్న చోట చర్మం ఉబ్బి, ఎర్రగా మారడం.
• ఛాతీ బిగుతు (Tightness): ఛాతీ చుట్టూ ఏదో గట్టిగా చుట్టేసినట్లు లేదా బిగుసుకుపోయినట్లు అనిపించడం.
• శబ్దాలు (Crepitus): పక్కటెముక విరిగినట్లయితే, మీరు కదిలినప్పుడు లేదా గాలి పీల్చినప్పుడు లోపల ఏదో రాసుకుంటున్నట్లు లేదా ‘క్లిక్’ అనే శబ్దం అనిపించవచ్చు.

గమనిక : పక్కటెముకల నొప్పితో పాటు ఈ క్రింది లక్షణాలు ఉంటే అది ప్రాణాపాయం (ఉదా: గుండెపోటు లేదా పల్మనరీ ఎంబోలిజం) కావచ్చు:

1. శ్వాస అందకపోవడం: పక్కటెముకల నొప్పితో పాటు ఊపిరి తీసుకోవడం చాలా కష్టంగా ఉంటే, ఇది అత్యవసర పరిస్థితి కావచ్చు. కాబట్టి ఆలస్యం చేయకుండా వెంటనే వైద్యులను సంప్రదించండి.
2. నొప్పి ఛాతీ నుండి ఎడమ చేయికి, దవడకు లేదా వెనుక వీపు భాగంలోకూడా ఉంటే, అది ప్రమాదకరం కావచ్చు.
3. పక్కటెముకల నొప్పితో పాటు ఏ కారణం లేకుండానే విపరీతంగా చెమటలు పడుతుంటే కూడా మీరు వెంటనే డాక్టర్ ను సంప్రదించాలి.
4. తల తిరగడం: స్పృహ కోల్పోతున్నట్లు లేదా కళ్ళు తిరుగుతున్నట్లు అనిపిస్తే ఆలస్యం చేయకుండా వైద్యులను సంప్రదించడం అవసరం.
5. ఆక్సిజన్ అందక పెదవులు లేదా గోళ్లు నీలి రంగులోకి మారడం పల్మనరీ ఎంబోలిజం వలన కావచ్చు. కాబట్టి ఈ లక్షణాలు కనిపిస్తే వెంటనే వైద్యులను సంప్రదించాలి.

పక్కటెముకల నొప్పి అసలు నిర్లక్ష్యం చేయకూడని సమస్య

చికిత్స కోసం వెంటనే వైద్య నిపుణులను సంప్రదించండి!

4. పక్కటెముకల నొప్పికి చికిత్స

పక్కటెముకల నొప్పికి చికిత్స అనేది ఆ నొప్పి రావడానికి గల ప్రధాన కారణం మీద ఆధారపడి ఉంటుంది. దీని చికిత్సా విధానాన్ని ఈ క్రింది విధంగా విభజించవచ్చు:

1. సాధారణ మరియు కండరాల నొప్పికి చికిత్స
నొప్పి కేవలం కండరాల ఒత్తిడి లేదా చిన్నపాటి గాయం వల్ల అయితే:

• విశ్రాంతి (Rest): నొప్పిని పెంచే పనులు (బరువులు ఎత్తడం, గట్టిగా వంగడం) ఆపివేసి కీళ్లకు, కండరాలకు విశ్రాంతి ఇవ్వాలి.
• ఐస్ లేదా హీట్ ప్యాక్: * గాయం జరిగిన మొదటి 48 గంటల్లో ఐస్ ప్యాక్ (వాపు తగ్గించడానికి) వాడాలి. ఆ తర్వాత హీట్ ప్యాక్ (కండరాలు ఫ్రీ అవ్వడానికి) వాడాలి.
• నొప్పి నివారణ మందులు: డాక్టర్ సలహా మేరకు ఇబూప్రోఫెన్ (Ibuprofen) లేదా పారాసెటమాల్ వంటి మందులు వాడవచ్చు.

2. కోస్టోకాండ్రిటిస్ (Costochondritis) చికిత్స
పక్కటెముకల మృదులాస్థి వాపు వల్ల వచ్చే నొప్పికి డాక్టర్ ఈ క్రింది చికిత్స సూచిస్తారు.

• మందులు: యాంటీ ఇన్ఫ్లమేటరీ మందులు వాడాలి.
• నరాల బ్లాక్ (Nerve Block): నొప్పి విపరీతంగా ఉండి మందులకు తగ్గకపోతే, ఇంజెక్షన్లను డాక్టర్లు ఇస్తారు.
• స్ట్రెచింగ్: ఛాతీ కండరాలను ఫ్రీ చేసే మెత్తని వ్యాయామాలు చేయిస్తారు.

3. పక్కటెముకలు విరిగినప్పుడు (Rib Fracture)
పక్కటెముకలు విరిగితే వాటికి కట్టు కట్టడం సాధ్యం కాదు (ఎందుకంటే గాలి పీల్చినప్పుడు అవి కదులుతూ ఉండాలి).

• పెయిన్ మేనేజ్మెంట్: గాలి పీల్చినప్పుడు నొప్పి రాకుండా ఉండటానికి మందులు ఇస్తారు.
• శ్వాస వ్యాయామాలు: ఊపిరితిత్తుల్లో ఇన్ఫెక్షన్ (Pneumonia) చేరకుండా ఉండటానికి ‘డీప్ బ్రీతింగ్’ వ్యాయామాలు చేయిస్తారు.
• గమనిక: పాత కాలంలో పక్కటెముకల చుట్టూ గట్టిగా బెల్టులు కట్టేవారు, కానీ ఇప్పుడు అది చేయడం లేదు ఎందుకంటే అది ఊపిరితిత్తుల పనితీరును తగ్గిస్తుంది.

4. ఊపిరితిత్తులు లేదా ఇన్ఫెక్షన్ సంబంధిత చికిత్స

• నిమోనియా లేదా ఇన్ఫెక్షన్: వీటికి యాంటీబయాటిక్స్ వాడాలి.
• ప్లూరిసీ (Pleurisy): ఊపిరితిత్తుల పొరల మధ్య ద్రవం చేరితే, ఒక సూది ద్వారా ఆ ద్రవాన్ని బయటకు తీస్తారు (Thoracentesis).

5. ఇతర సమస్యలకు చికిత్స

• యాసిడ్ రిఫ్లక్స్/గ్యాస్: దీనివల్ల వచ్చే నొప్పికి యాంటాసిడ్లు (Antacids) ఇస్తారు.
• షీంగిల్స్ (Shingles): ఇది వైరల్ ఇన్ఫెక్షన్ కాబట్టి యాంటీ-వైరల్ మందులు వాడాలి.
• గౌట్: రక్తంలో యూరిక్ యాసిడ్ తగ్గించే మందులు వాడాలి.

పక్కటెముకల నొప్పి అనేది కండరాల అలసట వల్ల వచ్చే సాధారణ అసౌకర్యం నుండి ఊపిరితిత్తులు లేదా గుండెకు సంబంధించిన తీవ్రమైన సమస్యల వరకు దేనికైనా సంకేతం కావచ్చు. ఇది శ్వాస తీసుకున్నప్పుడు, దగ్గినప్పుడు లేదా కదిలినప్పుడు తీవ్రమవుతుంది కాబట్టి, దీనిని ప్రాథమిక దశలోనే గుర్తించడం అవసరం. అధిక శాతం పక్కటెముకల నొప్పులు విశ్రాంతి, మందులు మరియు సరైన భంగిమలతో నయమవుతాయి. అయితే, నొప్పితో పాటు శ్వాస తీసుకోవడంలో ఇబ్బంది, విపరీతమైన చెమటలు లేదా నొప్పి ఇతర భాగాలకు పాకడం వంటి లక్షణాలు కనిపిస్తే మాత్రం ఏమాత్రం నిర్లక్ష్యం చేయకుండా వెంటనే వైద్య సహాయం తీసుకోవాలి.

మీ ఆరోగ్య సంరక్షణ గురించి ఏవైనా సందేహాలు ఉన్నాయా? సహాయం చేయడానికి మేము సిద్దంగా ఉన్నాము! మా అనుభవంతులైన నిపుణుల సలహా కొరకు +918065906165 కి కాల్ చేయగలరు.