అన్నవాహిక & జీర్ణకోశ (GI) క్యాన్సర్ల సర్జరీలపై యశోద హాస్పిటల్స్-హైటెక్ సిటీలో రెండు రోజుల జాతీయ సదస్సు & లైవ్ వర్క్ షాప్ ప్రారంభం

అన్నవాహిక, ఉదర & జీర్ణకోశ క్యాన్సర్లకు అత్యాధునిక శస్త్ర చికిత్సలపై భారతదేశంలోనే మొదటి జాతీయ సదస్సు 500 మందికిపైగా సర్జన్లతో విజయవంతం.

హైదరాబాద్, జూలై 26, 2025: యశోద హాస్పిటల్స్-హైటెక్ సిటీలోని సర్జికల్ గ్యాస్ట్రోఎంటరాలజీ & రోబోటిక్ సైన్స్ విభాగం “GI-ఫోకస్” పేరుతో రెండు రోజుల జాతీయ “కాన్ఫరెన్స్ & లైవ్ వర్క్ షాప్”ను నిర్వహించడం జరిగింది. ఈ జాతీయ కాన్ఫరెన్స్ & లైవ్ వర్క్ షాప్ లో అన్నవాహిక నుండి గ్యాస్ట్రిక్ క్యాన్సర్‌లపై దృష్టి సారించి జీర్ణ-ఉదరకోశ క్యాన్సర్ శస్త్ర చికిత్సలు & అప్పర్ గ్యాస్ట్రోఇంటెస్టినల్ (GI) క్యాన్సర్‌ వరకు, గ్యాస్ట్రోఇంటెస్టినల్ వైద్య రంగంలో అందుబాటులోకి వచ్చిన అత్యాధునిక వైద్య విదానాలను దేశంలోనే ప్రసిద్ధ జాతీయ సర్జికల్ గ్యాస్ట్రో, సర్జికల్ ఆంకాలజీ & జనరల్ సర్జరీ రంగాల నుండి 500 మందికి పైగా సర్జన్లతో ప్రత్యక్ష లైవ్ వర్క్ షాప్ & ఇంటరాక్టివ్ శిక్షణా సెషన్స్ నిర్వహించడం జరిగింది.

ఈ సందర్భంగా యశోద గ్రూప్ ఆఫ్ హాస్పిటల్స్, మేనేజింగ్ డైరెక్టర్, డాక్టర్. జి.ఎస్. రావు మాట్లాడుతూ , అధునాతన లాపరోస్కోపిక్ మరియు రోబోటిక్ సర్జికల్ ఎక్సలెన్స్ ద్వారా మాత్రమే కాకుండా, వైద్య నిపుణులతో వారి అనుభవాలను పంచుకునే ఇలాంటి
వేదికల ద్వారా కూడా రోగికి మెరుగైన ఫలితాలను అందించవచ్చని ఇలాంటి సదస్సులు నిరుపిస్తున్నాయని అన్నారు. ప్రత్యేక సంరక్షణ అవసరమయ్యే వ్యాధుల పెరుగుదల, సంక్లిష్టతకు ప్రతిస్పందనగా, యశోద హాస్పిటల్ సర్జికల్ గ్యాస్ట్రోఎంటరాలజీ విభాగంలో బారియాట్రిక్, హెర్నియా, ప్యాంక్రియాస్, రోబోటిక్ మరియు లివర్ క్లినిక్‌లతో సహా స్పెషాలిటీ క్లినిక్‌లను ప్రారంభించినట్లు తెలిపారు. “GI ఫోకస్” – జీర్ణ-ఉదరకోశ క్యాన్సర్స్ శస్త్ర చికిత్సలు, క్యాన్సర్ నిర్వహణ మరియు శస్త్రచికిత్స ఖచ్చితత్వం కోసం జాతీయంగా గుర్తింపు పొందిన లెర్నింగ్ ఎకోసిస్టమ్‌ను నిర్మించడానికి దీర్ఘకాలిక దృష్టికి ఈ సదస్సు నాంది పలికిందని డాక్టర్. జి.ఎస్. రావు అన్నారు.

యశోద హాస్పిటల్స్-హైటెక్ సిటీ, సీనియర్ సర్జికల్ గ్యాస్ట్రోఎంటరాలజిస్ట్ & రోబోటిక్ సర్జన్, డాక్టర్. విజయకుమార్ బడా , మాట్లాడుతూ.. “గ్యాస్ట్రోఇంటెస్టినల్ ఫోకస్” అనేది జీర్ణశయాంతర ఉదరకోశ క్యాన్సర్ నిర్వహణలో అత్యాధునిక క్లినికల్ ఆవిష్కరణ. ఈ రెండు రోజుల జాతీయ “కాన్ఫరెన్స్ & లైవ్ వర్క్ షాప్” లో గ్యాస్ట్రోఇంటెస్టినల్ వైద్య రంగంలో అందుబాటులోకి వచ్చిన అధునాతన జీర్ణ-ఉదరకోశ శస్త్రచికిత్స వ్యూహాలు, మల్టీమోడల్ చికిత్స ప్రణాళికపై నిపుణుల నేతృత్వంలోని లైవ్ సెషన్లు యువ సర్జన్లకు ఒక గొప్ప వేదిక అని అన్నారు. ఈ సదస్సులో A నుండి Z వరకు అన్నవాహిక మరియు కడుపు క్యాన్సర్‌కు అత్యాధునిక రోబోటిక్, లాపరోస్కోపిక్ మరియు ఓపెన్ టెక్నిక్ ద్వారా అనేక గ్యాస్ట్రో సర్జరీలు విజయవంతంగా ఏలా నిర్వహించాలో ఈ సదస్సుకు హాజరైన యువ సర్జన్లకు (ప్రత్యక్ష) లైవ్ సర్జికల్ వర్క్ ‌షాప్ ద్వారా వివరించడం జరిగింది. ఇక్కడ ఆపరేటింగ్ సర్జన్లు GI శస్త్రచికిత్సలలో ఉన్న వివిధ సంక్లిష్టతలను అర్థం చేసుకోవడంతోపాటు సర్జికల్ గ్యాస్ట్రో వైద్య రంగంలో దేశవ్యాప్తంగా ఉన్న ప్రముఖ జాతీయ వైద్య నిపుణులతో వారి అనుభవాలను పంచుకునే విధంగా ఈ రెండు రోజుల జాతీయ సదస్సు మరియు లైవ్ వర్క్ షాప్ రుపొందిచడం జరిగిందని డాక్టర్. విజయకుమార్ బడా తెలియజేసారు.

మరింత సమాచారం కోసం సంపత్ గారిని సంప్రదించండి. ఫోన్ నెంబర్లు : 78930 53355 / 88971 96669