నేటి కాలంలో ఈ పిత్తాశయంలో రాళ్ల సమస్య బారిన పడుతున్న వారి సంఖ్య రోజు రోజుకు ఎక్కువ అవుతుంది. గాల్బ్లాడర్ను తెలుగులో పిత్తాశయం అని అంటారు. ఇది కడుపులో కుడి వైపు పై భాగంలో కాలేయంతో పాటు పియర్-ఆకారంలో ఉండే చిన్న అవయవం. కాలేయంలో ఉత్పత్తి అయ్యే పైత్యరసంను (బైల్ జ్యూస్) పిత్తాశయం నిలువ ఉంచుతుంది. ఆహారంలోని కొవ్వులు మరియు ప్రోటీన్ పదార్థాలను జీర్ణం చేయడం ఈ పిత్తాశయం యొక్క ప్రధాన పని.
మనం తిన్న ఆహారం నాళం ద్వారా పేగుల్లోకి చేరుకోగానే బైల్ డక్ట్ అనే పైప్ ద్వారా చిన్నపేగుకు పైత్యరసంను సరఫరా అయ్యేలా చూస్తుంది. అక్కడ కొవ్వు పదార్థాలు జీర్ణం కావడం కోసం ఈ పైత్యరసం ఉపయోగపడుతుంది. ఈ గాల్ బ్లాడర్ స్టోన్స్ సమస్య ఎక్కువగా అధిక కొవ్వు గల వారిలోనూ మరియు ఆడవారిలో (3:1) నిష్పత్తుల్లో ఉంటుంది. చాలా మందిలో ఇది సర్వసాధారణం కానీ, కొద్దిమందిలోనే ఇవి అధిక సమస్యలను తెచ్చిపెడుతుంటాయి. ఈ గాల్ బ్లాడర్ స్టోన్స్ అనేవి ఇసుక రేణువంత సైజు దగ్గర నుంచి గోల్ఫ్ బంతి సైజు వరకూ ఏర్పడతాయి.
పిత్తాశయంలో నిల్వ ఉండే పైత్యరసం గట్టిపడిన పదార్థంగా మారినప్పుడు పిత్తాశయంలో రాళ్లు ఏర్పడతాయి. ఇవి కాలేయం కింద ఉంటాయి. పిత్తాశయంలోనే పిత్తాశయ రాళ్లు ఉంటే దానిని కోలిలిథియాసిస్ అని, పిత్తాశయ రాళ్లు పిత్త వాహికలలో ఉంటే కోలెడోకోలిథియాసిస్ అంటారు.
పిత్తాశయ రాళ్లు 3 రకాలు:
కొలెస్ట్రాల్ రాళ్లు: శరీరంలో కొలెస్ట్రాల్ గడ్డకట్టడంతో ఏర్పడే రాళ్లను కొలెస్ట్రాల్ రాళ్లు అంటారు. ఇవి సాధారణంగా పెద్ద సైజులో పసుపు-ఆకుపచ్చ రంగులో ఉంటాయి.
పిగ్మెంటెడ్ రాళ్లు: బైలురుబిన్ అనే ద్రవం అధికంగా ఉన్నప్పుడు కాల్షియం యొక్క స్ఫటికీకరణ నుంచి పిగ్మెంటెడ్ రాళ్లు ఏర్పడతాయి. ఇవి చిన్న సైజులో ఎక్కువ సంఖ్యలో ఏర్పడతాయి. ఇవి నలుపు మరియు గోధుమ రంగులో ఉంటాయి. పిగ్మెంటెడ్ రాళ్లతో ఇన్ఫ్ క్షన్లు వచ్చే ప్రమాదం ఎక్కువ.
మిశ్రమరాళ్లు: కొలెస్ట్రాల్ మరియు పిగ్మెంటెడ్ రాళ్ల కలయిక ద్వారా ఇవి ఏర్పడతాయి. మిశ్రమ రాళ్లు సన్నని ఇసుక రేణువు పరిమాణం నుంచి పెద్ద నిమ్మకాయ సైజు పరిమాణం వరకు ఏర్పడతాయి.
గాల్ బ్లాడర్ స్టోన్స్ చాలా ఇబ్బందిని గురిచేస్తాయి. ఈ సమస్యను సకాలంలో గుర్తించి చికిత్స చేయనట్లు అయితే కొన్ని సార్లు సర్జరీ కూడా అవసరం కావచ్చు.
దాదాపు 75 శాతం మందిలో ఈ గాల్ స్టోన్స్ ఉన్నా ఎలాంటి లక్షణాలు కనిపించవు.
అయితే సాధారణంగా కనిపించే లక్షణాలు:
చాలా మందిలో పైత్యరసం ప్రవహించే డక్ట్కు (పైత్యవాహిక) అడ్డు తగిలి నొప్పి వచ్చేంత వరకు గాల్ బ్లాడర్ స్టోన్స్ ఏర్పడ్డ విషయమే తెలియదు. అయితే కొందరిలో ఇంకేదైనా సమస్య కోసం వైద్య పరీక్షలు చేయించినప్పుడు ఈ సమస్య బయటపడవచ్చు.
గాల్ బ్లాడర్ స్టోన్స్ ఏర్పడటానికి నిర్దిష్ట వయస్సు కానీ, స్పష్టమైన కారణాలు లేవు. అయినప్పటికీ కొన్ని ప్రత్యేక రుగ్మతలను చూస్తే:
40 సంవత్సరాలు దాటిన వారు తప్పనిసరిగా ఈ గాల్ బ్లాడర్ స్టోన్స్ పరీక్షను చేయించుకుంటూ ఉండాలి. అలాగే మంచి జీవనశైలిని అనుసరిస్తూ సరైన సమయానికి ఆరోగ్యకరమైన ఆహార నియమాలను పాటించాలి. అంతే కాకుండా నిర్థిష్ట శరీర బరువును అదుపులో ఉంచుకోవడం మరియు క్రమం తప్పకుండా వ్యాయామం చేయడం వల్ల ఈ గాల్ బ్లాడర్ స్టోన్స్ సమస్య బారిన పడకుండా మనల్ని మనం కాపాడుకోవచ్చు.
About Author –
Dr. Santosh Enaganti, Senior Consultant Gastroenterologist & Hepatologist, Advanced Interventional Endoscopist , Yashoda Hospitals - Hyderabad
MD, MRCP, CCT (Gastro) (UK), FRCP (London)
దగ్గు, జలుబు మాదిరి సీజనల్గా వర్షాకాలంలో వచ్చే సాధారణ వ్యాధుల్లో కళ్లకలక ఒకటి. కళ్లకలక సమస్య స్టాఫిలోకాకల్ బ్యాక్టీరియాల ద్వారా…
థైరాయిడ్ గ్రంథి అనేది మెడ మధ్య స్వరపేటిక క్రింద భాగాన, కాలర్ ఎముక పైన సీతాకోక చిలుకను పోలిన ఆకారంలో…
మన శరీరంలో కాలేయం అనేది చాలా ముఖ్యమైన అవయవం. ఇది శరీరానికి అవసరమైన రసాయనాలను సరఫరా చేసే ప్రయోగశాలగా (రక్తాన్ని…
Hysteroscopy has emerged as a valuable solution to various gynecological issues, offering both diagnostic and…
Endometriosis is a medical condition characterized by the growth of tissue similar to the lining…
పెద్ద ప్రేగు అనేది జీర్ణవ్యవస్థలో ఒక ప్రధాన భాగం. ఇది శరీరంలో చాలా ముఖ్యమైన విధులు నిర్వహిస్తుంది. ఇది ఆహారంలోని…