ప్రస్తుత సమాజంలో ఎదుర్కొంటున్న అతి పెద్ద అనారోగ్య సమస్యలలో ఊబకాయం ఒకటి. ఇటీవల కాలంలో మారిన ఆహారపు అలవాట్లు మరియు కదలిక లేని జీవనశైలి వల్ల చాలా మందిలో ఊబకాయం సమస్య సర్వసాధారణం అయిపోయింది. అయితే అధికంగా ఆహారాన్ని తీసుకుని శారీరక శ్రమ మరియు వ్యాయామం చేయకుండా ఉన్నట్లయితే శరీరంలో శక్తి నిల్వలు పేరుకుపోయి అవి కొవ్వుగా మారి ఊబకాయానికి దారితీస్తుంది. అధిక బరువును కలిగి ఉన్న వారికి చాలా రకాల వ్యాధులు దరిచేరడంతో పాటు అనేక అనారోగ్య సమస్యలు సైతం తలెత్తుతాయి. ఈ సమస్యతో బాధపడేవారు ఎక్కువ కాలం జీవించలేరు, అదేవిధంగా దీర్ఘకాలిక అనారోగ్యానికి గురవుతుంటారు.
25.0 నుంచి 29.9 వరకు బాడీ మాస్‌ ఇండెక్స్‌ (BMI) ఉన్న వ్యక్తులను అధిక బరువు ఉన్నవారిగా గుర్తిస్తారు. బాడీ మాస్‌ ఇండెక్స్‌ అనగా శరీర ద్రవ్యరాశి సూచిక. 30 లేదా అంతకంటే ఎక్కువ బాడీ మాస్‌ ఇండెక్స్‌ కలిగి ఉన్నట్లయితే ఆ పరిస్థితిని స్థూలకాయంగా చెబుతారు. అయితే పిల్లలు మరియు కౌమార దశలో ఉన్న చిన్నారుల్లో BMIను విభిన్నంగా వివరిస్తారు. పిల్లల బాడీ మాస్‌ ఇండెక్స్‌ తరచుగా వారి వయస్సులో ఉన్న ఇతర పిల్లల సగటు బాడీ మాస్‌ ఇండెక్స్‌ తో పోల్చబడుతుంది.
అసలు అధిక బరువుకు కారణాలేమిటి? ఊబకాయం వల్ల వచ్చే ప్రమాదకరమైన వ్యాధులు మరియు ఈ సమస్యకు ప్రస్తుతం అందుబాటులో ఉన్న నూతన చికిత్స విధానాలను గురించి తెలుసుకుందాం.
బరువు పెరగడానికి అనేక కారణాలు ఉన్నాయి. కానీ, ముఖ్యంగా:
ఆస్టియో ఆర్థరైటిస్: అధిక బరువు కలిగి ఉండటం వల్ల మోకాళ్లపై అదనపు ఒత్తిడి కలిగి చిన్న వయస్సులోనే మోకాలి మార్పిడి అవసరం రావచ్చు.
నాన్-ఆల్కహాలిక్ ఫ్యాటీ లివర్ డిసీజ్ (NAFLD): కాలేయంలో కొవ్వు పేరుకుపోయి నాన్-ఆల్కహాలిక్ ఫ్యాటీ లివర్ డిసీజ్ (NAFLD) సంభవిస్తుంది. ఇది మీ కాలేయానికి దీర్ఘకాలిక హాని కలిగించవచ్చు.
క్యాన్సర్: అధిక బరువు లేదా ఊబకాయం వల్ల శరీరంలో దాదాపు 18 రకాలకు పైగా క్యాన్సర్‌లు వచ్చే అవకాశం ఉంటుంది.
అధిక కొలెస్ట్రాల్: అధిక కొలెస్ట్రాల్ వల్ల రక్తనాళాలలో అడ్డంకులు ఏర్పడి స్ట్రోక్ లేదా గుండెపోటుకు గురవుతారు.
అధిక రక్త పోటు: అధిక రక్త పోటు వల్ల రక్తనాళాల ద్వారా ప్రవహించే రక్తం యొక్క ఒత్తిడి చాలా ఎక్కువగా ఉంటుంది. ఇది రక్తనాళాల గోడలను దెబ్బతీయడంతో గుండెపోటు మరియు స్ట్రోక్ వంటివి రావొచ్చు.
టైప్ 2 డయాబెటిస్: శరీరంలో కొవ్వు నిల్వ మరియు ఇన్సులిన్ నిరోధకత ఎక్కువగా ఉన్నట్లయితే నరాలు, రక్త నాళాలు మరియు అవయవాలు దెబ్బతినడమే కాక టైప్-1, టైప్-2 డయాబెటిస్ వచ్చే అవకాశం ఉంటుంది.
గుండె జబ్బు: ఊబకాయం వల్ల రక్తప్రసరణ నెమ్మదించి గుండె పనితీరు బలహీనపడడంతో గుండె వైఫల్య సమస్యలు సైతం తలెత్తుతాయి.
కిడ్నీ వ్యాధి: ఊబకాయంతో సంబంధం ఉన్న మెటబాలిక్ సిండ్రోమ్‌లు దీర్ఘకాలిక కిడ్నీ వ్యాధి మరియు మూత్రపిండాల వైఫల్యానికి కూడా కారణం కావొచ్చు.
పై సమస్యలతో పాటు పురుషులలో అంగస్తంభన సమస్యలు మరియు స్త్రీలలో గర్భధారణ సమస్యలు దరిచేరుతాయి.
జీవనశైలిలో గణనీయమైన మార్పులు చేసి పలు జాగ్రత్తలు తీసుకుంటున్నప్పటికీ కూడా నిరంతరంగా బరువు పెరుగుతూ ఉంటే లేదా బరువు తగ్గడం కష్టంగా అనిపిస్తే మీరు ఖచ్చితంగా బేరియాట్రిక్ సర్జరీ‌ను (మెటబాలిక్ సర్జరీ) ఎంపిక చేసుకోవడం ఉత్తమం. బరువును తగ్గించుకునేందుకు ప్రస్తుతం అందుబాటులో ఉన్న నూతన చికిత్సా విధానాలలో బేరియాట్రిక్ సర్జరీ ఉత్తమమైనది. ఈ ప్రక్రియలో పొట్టను కుదించడం లేదా పేగును బైపాస్ చేయడంతో తినే ఆహార పరిమాణాన్ని తగ్గించడం ద్వారా బరువు తగ్గుదలకు దోహాదపడుతుంది. ఊబకాయంతో బాధపడుతున్నవారిని సాధారణ స్థాయికి తీసుకురావడమే ఈ సర్జరీ యొక్క ప్రధాన ఉద్దేశం.
ఈ సర్జరీ చేయించుకోవడం వల్ల ఒక వ్యక్తి ముందు ఉన్న బరువులో దాదాపు 75 నుంచి 80 శాతం తగ్గించుకోవచ్చు. కనిష్ట ఇన్వేసివ్ సర్జికల్ టెక్నిక్‌లను (లాపరోస్కోపిక్ మరియు రోబోటిక్ సర్జరీ) ఉపయోగించి దీనిని నిర్వహిస్తారు. స్థూలకాయంతో బాధపడే రోగులకు మెరుగైన జీవన నాణ్యతను అనుభవించడానికి మరియు సుదీర్ఘ జీవితకాలం గడపడానికి ఈ సర్జరీ ఎంతగానో ఉపయోగపడుతుంది.
సర్జరీ చేసే ముందు గుండె, ఊపిరితిత్తులు మరియు మిగిలిన అవయవ పనితీరు చూసుకుని జనరల్ అనస్థీషియా పర్యవేక్షణలో సర్జరీని పూర్తి చేస్తారు. అయితే హైదరాబాద్ లోని యశోద హాస్పిటల్స్ లో సర్జరీ అయిన తర్వాత మంచి న్యూట్రీషియన్ టీం, ఫిజియో థెరపిస్ట్, నర్సింగ్ టీం, ఇలా చాలా రకాల సపోర్ట్ టీమ్స్ అందుబాటులో ఉన్నాయి. సర్జరీ అయిన తర్వాత కూడా పేషెంట్ల పట్ల మంచి సంరక్షణను కలిగి ఉన్నట్లయితే వారు త్వరగా కోలుకోవడం జరుగుతుంది.
బేరియాట్రిక్ సర్జరీ 3 రకాలుగా ఉన్నాయి, అవి ఏమనగా:
అధిక బరువు గల వారు కాంప్లెక్స్ కార్బోహైడ్రెట్స్‌, హై ప్రోటీన్‌ గింజలు (రాజ్మా, శెనగలు, పెసలు) మరియు హై ఫైబర్‌ను (పీచు పదార్థాలు) ఎక్కువగా తీసుకుంటూ శారీరక శ్రమ & వ్యాయామం వంటివి చేయడం వల్ల శరీర బరువును అదుపులో ఉంచుకుని ఆరోగ్యకరమైన జీవితాన్ని గడపవచ్చు.
About Author –
దగ్గు, జలుబు మాదిరి సీజనల్‌గా వర్షాకాలంలో వచ్చే సాధారణ వ్యాధుల్లో కళ్లకలక ఒకటి. కళ్లకలక సమస్య స్టాఫిలోకాకల్‌ బ్యాక్టీరియాల ద్వారా…
థైరాయిడ్ గ్రంథి అనేది మెడ మధ్య స్వరపేటిక క్రింద భాగాన, కాలర్ ఎముక పైన సీతాకోక చిలుకను పోలిన ఆకారంలో…
మన శరీరంలో కాలేయం అనేది చాలా ముఖ్యమైన అవయవం. ఇది శరీరానికి అవసరమైన రసాయనాలను సరఫరా చేసే ప్రయోగశాలగా (రక్తాన్ని…
Hysteroscopy has emerged as a valuable solution to various gynecological issues, offering both diagnostic and…
Endometriosis is a medical condition characterized by the growth of tissue similar to the lining…
పెద్ద ప్రేగు అనేది జీర్ణవ్యవస్థలో ఒక ప్రధాన భాగం. ఇది శరీరంలో చాలా ముఖ్యమైన విధులు నిర్వహిస్తుంది. ఇది ఆహారంలోని…